ავტორი: ალენა მარიანოვა

მთარგმნელი: ვიქტორია ბუკია

სტილი დაცულია

http://www.gazeta.ru/social/2009/11/24/3290327.shtml


მილიციელები, რომლებმაც 20 წლის ედუარდ ღურწკაია მეტრო “კუზნიმკის” მახლობლად სიკვდილამდე სცემეს, სამსახურიდან გაათავისუფლეს. ერთ-ერთ მათგანს სხეულზე მძიმე დაზიანებების მიყენება ედება ბრალად. თანამდებობიდან დაითხოვეს იმ ოპერატიული რაზმის თავმჯდომარეც, რომელშიც ჩხუბისთავები მსახურობდნენ. მკვლელობის მიზეზი კი ყოფითი კამათი იყო: მილიციელი 20 წლის აფხაზს იმისთვის დაესხა თავს, რომ მან იგი “მაკდონალდსის” ტუალეტში ურიგოდ არ გაატარა. ზოგიერთი ცნობის მიხედვით, ოთხშაბათს გამოძიება სასამართლოს მიმართავს, რათა მან მილიციის ყოფილი თანამშრომლების დაპატიმრების შესახებ განკარგულება გასცეს.
სამი მილიციელი, რომლებმაც მეტრო “კუზმნიკისთან” 20 წლის ედუარდ ღურწკაიას ცემაში მიიღეს მონაწილეობა, სამსახურიდან რუსეთის შინაგან საქმეთა სამმართველოს თავმჯდომარის ბრძანებით გაათავისუფლეს. ამის შესახებ “გაზეტა.რუ”-ს შინაგან საქმეთა სამმართველოს საზოგადოებრივ ურთიერთობათა სამსახურის უფროსმა აცნობა. “ინფორმაცია იმის შესახებ, რომ სამივე მათგანი მილიციდან იყო, დადასტურდა. ჩხუბის დროს მათ სამუშაო ფორმა ეცვათ და არაფხიზელ მდგომარეობაში იყვნენ”- განაცხადა პრესსამსახურის უფროსმა.
22 წლის ანვერ იბრაგიმოვს სხეულზე მძიმე დაზიანებების მიყენება და სამსახურებრივი უფლებამოსილების გადაჭარბება ედება ბრალად. მისი ორი თანამშრომელიც დააკავეს, მაგრამ ისინი მოგვიანებით გაათავისუფლეს. Aამ საქმეში ისინი მოწმეებად ჩათვალეს.
კალმიკიის მკვიდრმა იბრაგიმოვმა, 22 წლის ალეკსეი ჩერნიკოვმა ლიპეცკის ოლქიდან და 26 წლის ვიქტორ კუზნეცოვმა ვოლგოგრადის ოლქიდან მოსკოვის მეორე ოპერატიულ რაზმში 2008 წელს დაიწყეს მუშაობა.
ორშაბათ საღამოს მილიციელები მეტრო “კუზმნიკისთან” მდებარე “მაკდონალდსისი რესტორანში შევიდნენ. სამივე მთვრალი იყო. 11 საათის დასაწყოსში იბრაგიმოვი რესტორნის ტუალეტისკენ გაემართა, კიბეზე იგი ღურწკაიას შეეფეთა, რომელიც “მაკდონალდსში” მეგობარ დავით ჯომიდავასთან ერთად იყო. “ყოფითი კამათი ხელჩართულ ჩხუბში გადაიზარდა” – აღნიშნავენ შსს-ს პრესსამსახურში. ორ აფხაზთან ერთად ქუჩაში გასვლისას, მილიციელები თავს დაესხნენ ღურწკაიას და ცემა დაუწყეს. მისი მეგობარი კი გაიქცა.
თვითმხილველების განცხადებით, აფხაზს ჯერ ხელჯოხით კბილები ჩაუმტვრიეს, ხოლო როცა ახალგაზრდა ძირს დაეცა, ერთ-ერთი მილიციელი მას ზედ დაახტა და გულის ფიცარი ჩაუმტვრია.
ამის შემდეგ, მილიციელებმა კიდევ ნახევარ საათს იარეს იმავე რაიონში, ბოლოს კი მეტროთი გაემგზავრნენ. დაახლოებით 11 საათზე სასწრაფო დახმარება და მილიცია გამოიძახეს. ღურწკაიას ახლობლები (და და ძმა) მის გადარჩენას ცდილობდნენ, აფთაქიდან ბინტი და ტკივილგამაყუჩებლები მოუტანეს. მაგრამ როცა სასწრაფო დახმარება მოვიდა, ექიმებმა ღურწკაიას სიკვდილი დაადასტურეს.
სამშაბათ დილით შსს-ში განაცხადეს, რომ ვერავის დაკავება შეძლეს: “თან ჩვენ არ გვაქვს იმის საბუთი, რომ დამნაშავენი მილიციის თანამშრომლები არიან”. მაგრამ მოგვიანებით გაირკვა, რომ მილიციელები ჯერ კიდევ ღამით დააკავეს.
მთვრალი ქვეშევრდომების დებოშის გამო სამსახურიდან გაათავისუფლეს მოსკოვის მეორე ოპერატიული რაზმის თავმჯდომარე პოლკოვნიკი ვლადიმერ დომაშევი. ეს განკარგულება შსს-ს თავმჯდომარე ვლადიმერ კოლოკოლცევმა გასცა.
ოთხშაბათს გამოძიება სასამართლოს მიმართავს, რათა მან მილიციის ყოფილი თანამშრომლების დაპატიმრების შესახებ განკარგულება გასცეს. “ჩვენ მასალას ვაგროვებთ, დღეს მეტ კომენტარს არ გავაკეთებთ, ხოლო იმას, თუ რომელ სასამართლოს მივმართავთ, ხვალ ვიტყვით”,- განაცხადეს შსს-ს პრესსამსახურში.



ავტორი: ალექსანდრე ჩერნიჩენკო

მთარგმნელი: ნინო ბეგლარაშვილი

სტილი დაცულია

24.11.2009

http://rus.ruvr.ru/2009/11/24/2396015.html



ევროკომისიის წარმომადგენლობის ხელმძღვანელი რუსეთის ფედერაციაში ფერნანდო ვალენსუელა ევროკავშირის მომავალ გაფართოებას არ გამორიცხავს. “თუმცა, დღესდღეობით, ევროკავშირში შემავალ კანდიდატებს შორის არც უკრაინა და არც საქართველო არ განიხილება”- აცხადებს ის.
არის ქვეყნები, რომლებსაც კონკრეტული დაპირება აქვთ ევროსაბჭოსგან - ეს პირველ რიგში დასავლეთ ბალკანეთს ეხება. “თურქეთი სხვა საქმეა - აღნიშნა ვალენსუელამ - ეს ქვეყანა კანდიდატია, მასთან მოლაპარაკებები მიმდინარეობს და ამან განსაზღვრულ შედეგამდე უნდა მიგვიყვანოს. იგვე ეხება ბალკანეთის სხვა ქვეყნებსაც.”
რაც შეეხება ევროკავშირში უკრაინის და საქართველოს შესვლას, ვალენსუელამ აღნიშნა, რომ ამჟამად ასეთი საკითხი დღის წესრიგში არ დგას. “ეს ორი ქვეყანა ევროკავშირის კანდიდატებდ არ განიხილება”- განაცხადა მან.
თუმცა სწორედ გუშინ, თბილისელ სტუდენტებთან გამოსვლისას, საქართველოს პრეზიდენტი, მიხეილ სააკაშვილი ახლგაზრდა მსმენელებს არწმუნებდა, რომ ის აქტიურად “აგრძელებს ქვეყნის ევროკავშირში ინტეგრაციას”. ჩვენი ექსპერტები ამ მტკიცებას, რბილად რომ ვთქვათ, გადაჭარბებულად მიიჩნევენ. საქართველოსა და უკრაინის ევროკავშირში მიღების თაობაზე რუსეთის ფედერციის დუმის საერთაშორისო საკითხების კომიტეტის თავმჯდომარის მოადგილემ ანდრეი კლიმოვმა ჩვენს კორესპონდენტთან სატელეფონო საუბარში განაცხადა:
ამ თემაზე საუბარი ძირითადად თბილისიდან და ვაშინგტონიდან მოდის, შესაბამისად, კიევიდანაც. მართალია თავად ევროპელები მორალურად ზოგჯერ მხარს უჭერენ სააკაშვილისა და იუშენკოს ბუნდოვან განცხადებებს, მაგრამ სერიოზული ევროპელი ოფიციალური პირების თვალთახედვით და ევროკავშირის წესების გათვალისწინებით, რა თქმა უნდა, უახლოეს მომავალში ეს სრულიად გამორიცხულია.”
არანაკლებ კატეგორიულია საქართველო-უკრაინის პერსპექტივების საკითხში ჩვენი სხვა ექსპერტიც, ფონდ “პოლიტიკის” პრეზიდენტი ვიაჩესლავ ნიკონოვი:
“ევროკომისიის წარმომადგენლობის განხცადებაში არაფერი ახალი არ გაჟღერებულა. არც უკრაინა, არც საქართველო არასოდეს არანაირად არ განიხილებოდა უახლოეს მომავალში ევროკავშირის წევრობის კანდიდატად, ისინი შედიან “ჩრდილოეთის პარტნიორობის” პროგრამაში, რომელიც წევრობას კი არა, ბრიუსელის პოლიტიკური ნაბიჯების განსაზღვრას გულისხმობს იმ ქვეყნებთან ურთიერთობაში, რომლებიც ევროკავშირსა და რუსეთს შორის მდებარეობენ. უკრაინის და საქართველოს შესვლა ევროკავშირში ოფიციალურად არასოდეს არც კი განხილულა.”
რუსეთის ფედერაციაში ევროკომისიის წარმომადგენლობის ხელმძღვანელმა ფერნანდო ვალესუელამ თავის გამოსვლაში ასევე აღიარა, რომ ევროპაში არსებობს ერთგვარი “ევროკავშირის გაფართოებით დაღლილობა”. დაისვენებს თუ არა მისგან ევროკავშირი, უცნობია. თუმცა ის, რომ უკრაინას და საქართველოს თავიანთი იმედებისგან შეუძლიათ დასვენება, აბსოლუტურად ზუსტია.



მთარგმნელი: ნინო ბეგლარაშვილი
სტილი დაცულია

http://www.kommersant.ru/doc.aspx?DocsID=1181396

ჩრდილო ატლანტიკური ალიანსის გენერალურმა მდივანმა იაპ დე ჰოპ სხეფერმა 2 ივნისს განაცხადა, რომ 31 მაისს სამხრეთ ოსეთში ჩატარებული არჩევნების შედეგებს “ნატო” არ აღიარებს. მანამადე ასეთივე განცხადება ევროკავშირის სახელითაც გავრცელდა. რუსულმა დელეგაციამ კი, რომელიც რესპუბლიკაში არჩევნებს აკვირდებოდა, ის კანონიერად აღიარა, ოღონდ “გარკვეული დარღვევებით”. “ასეთი სახის არჩევნების ჩატარება არ შეესაბამება საქართველოში სიტუაციის მშვიდობიან და გრძელვადიან რეგულირებას”-განაცხადა “ნატოს” გენერალურმა მდივანა იაპ დე ჰოპ სხეფერმა. ალიანსის ხელმძღვანელმა შეხსენება გააკეთა საქართველოს ტერიტორიულ მთლიანობაზე და საქართველოს ხელმძღვანელობა დაარწმუნა თავის მხარდაჭერაში სუვერენიის შენარჩუნებასთან დაკავშირებით.
მანამდე კი ასეთივე შეფასებები ევროკავშირის სახელითაც გაკეთდა. გავრცელებულ განცხადებაში ხაზგასმული იყო, რომ არჩევნები არალეგიტიმურ და არაკანონიერ ხასიათის ატარებდა.
შეგახსენებთ, რომ რუსმა დამკვირვებლებმა ხმის მიცემის მსვლელობისას სერიოზული დარღვევები ვერ აღმოაჩინეს.
კომისიის განცხადების თანახმად “დამკვირვებლებმა აღნიშნეს სამხრეთ ოსეთის რესპუბლიკის საკანონმდებლო ბაზის შესაბამისობა მოთხოვნილ საერთაშორისო დემოკრატიულ სტანდარტებთან”. თუმცა, რუსეთის დელეგაციამ ისიც აღნიშნა, რომ მუშაობის პროცესში საარჩევნო უბნებზე დაფიქსირებული იყო “გარკვეული დარღევები”. რუსეთის ცენტრალური საარჩევნო კომისიის ხელმძღანელმა, ვლადიმერ ჩუროვმა ახსენა ელექტროენერგიის გათიშვის ფაქტი რამდენიმე უბნაზე და ასევე საარჩევნო უბნის შესასვლელთან სააგიტაციო მასალის არსებობა. “ჩვენ ერთადერთხელ გავაკეთეთ შენიშვნა და ეს მასალები მაშინვე მოაშორეს”-ირწმუნება ის.
ჩუროვმა რადიო “ეხო მასკვას”-თვის მიცემულ ინტერვიუში განაცხადა, რომ მან ევროპელი კოლეგების კომენტირებში არჩევნების ფაქტობრივი აღიარება იპოვა: ”სადაა ძველი, კეთილი დიპლომატიური სკოლა? კლასიკური დიპლომატიის თვალსაზრისით, ევროკავშირისა და შეერთებული შტატების განცხადება არჩევნების აღიარებას ნიშნავს - რომ ის შედგა, რომ ის იყო.”



თარგმანი: ვიქტორია ბუკია
სტილი დაცულია

http://www.ng.ru/culture/2009-05-25/10_antichrist.html


კანის 62 კინოფესტივალის ჟიურიმ ორიგინალური გადაწყვეტილება მიიღო: მან ლარს ფონ ტრიერის სკანდალურ ფილმ “ანტიქრისტეს” “ანტიპრიზი” მაინიჭა. დანიელი რეჟისორის ახალ ნამუშევარს ჟიურიმ “ყველაზე ქალთმოძულე ფილმი” უწოდა. კინოფილმმა სპეციალისტები იმდენად შეაძრწუნა, რომ მათ გადაწყვიტეს თავიანთი აღშფოთება “ანტიპრიზის” მეშვეობით გამოეხატათ. ხოლო პრიზი განსაკუთრებული მორალურობისათვის კენ ლოუჩის ფილმს “ერიკის ძიებაში” ერგო.


საქართველოს ხელისუფლებამ პოლიტიკური პატიმრების რიცხვს რუსი პროფესორი შემატა

ავტორი: ანდრეი ნიკოლაევი
თარგმანი: ვიქტორია ბუკია
სტილი დაცულია

http://www.ng.ru/cis/2009-05-15/2_georgia.html


საქართველოში სიტუაცია უფრო და უფრო მწვავდება. რესპუბლიკის პრეზიდენტ მიხეილ სააკაშვილსა და ოპოზიციას შორის მოლაპარაკებამ შედეგი ვერ გამოიღო. ოპოზიციამ დაუმორჩილებლობის აქციების შესახებ გააკეთა განცხადება, ხელისუფლება კი ძალოვანი მეთოდებით განაგრძობს მოქმედებას და საზოგადოებაში შიშის ატმოსფეროს ქმნის. მოწინააღმდეგეთა დაპატიმრება, ნადირობა ალქაჯებზე, დაშინების აქციები _ ეს ყველაფერი სააკაშვილის რეჟიმის მახასიათებელი გახდა, რომელიც ხელისუფლებაში დემოკრატიის, თანასწორობის და სოციალური სამართლიანობის ლოზუნგით მოვიდა.
ქართველი პოლიტოლოგი გიორგი ხუხაშვილი “ავტორიტარიზმიდან ტოტალიტარიზმში გარდამავალ დროს” პროგნოზირებს. ჩანს, ექსპერტი სიტუაციას ზედმეტად რბილად აღიქვამს. საქართველოში ტოტალიტარული რეჟიმი უკვე ფაქტობრივად დამკვიდრებულია.
მაგალითად, ზუსტად შეიძლება ითქვას, რომ საქართველოს ხელისუფლება ჯაშუშომანიის ვირუსით დაავადდა. ყველაფერს, რაც რესპუბლიკაში სააკაშვილის ნების წინააღმდეგ ხდება, რუსი ჯაშუშების ნახელავს უწოდებენ. ოპოზიციის აქციები, სამხედრო აჯანყება, რთული სოციალურ-ეკონომიკური ვითარება _ ყველაფერს მოსკოვის მზაკვრულ მოქმედებას მიაწერენ. მაგრამ რადგან ამის ფქტობრივი მტკიცებულებები არ არსებობს და ვერც იარსებებს, ადგილი პროვოკაციებს აქვს. ბოლო მათგანია _ აპრილის თვეში საქართველოში რუსეთის მოქალაქე ვლადიმერ ვახანიას დაპატიმრება.
გუშინ, “ნეზავისიმაია გაზეტამ” ვლადიმერ ვახანიას მიერ რუსეთში ქართული დიასპორის მიმართ დაწერილი ღია წერილი გამოაქვეყნა. მასში იურიდიული მეცნიერების დოქტორი, პროფესორი, რამდენიმე აკადემიის წევრი, ორმოცზე მეტი სამეცნიერო ნაშრომის, მონოგრაფიისა და წიგნის ავტორი ისტორიულ სამშობლოში საკუთარ თავგადასავალს ყვება. თავიდან, როცა ის თბილისიდან სახლში გაფრენას აპირებდა, მას უცნობმა ადამიანებმა პირდაპირ შესთავაზეს გულწრფელად ეღიარებინა, რომ ის რუსეთის აგენტია. ბუნებრივია, ვლადიმერ ვახანიამ ამაზე უარი განაცხადა, რის შემდეგაც მას წაართვეს როგორც რუსული, ასევე ქართული პასპორტი (საქართველოს მოქალაქეობა მას პრეზიდენტმა სააკაშვილმა ერთი წლის წინ მიანიჭა), რითაც ქვეყნიდან გასვლის და თვით საქართველოში გადაადგილების საშუალება მოუსპეს.
შემდეგ აღძრეს სრულიად აბსურდული სისხლის სამართლის საქმე “ჟუნალისტური საქმიანობისთვის ხელის შეშლის” თაობაზე. თითქოს მან ერთ-ერთ ჟურნალისტს წაართვა კასეტა, სადაც მისი ინტერვიუ იყო ჩაწერილი. როდესაც ორი ასეული შეიარაღებული სპეცნაზი ზუგდიდში, ვახანიას სახლში “დაზარალებულისთვის” კასეტის დასაბრუნებლად მივიდა (მთელ ამ მოქმედებას თან ახლავდა ჰაერში სროლა და ვახანიას მეზობლებისა და ოჯახის წევრების ცემა), რა თქმა უნდა, კასეტა ვერ იპოვეს. სამაგიეროდ, ბუნებრივია, ორი კალაშნიკოვის ავტომატი და ორი გრანატა აღმოაჩინეს. ანუ “ლეიბის ქვეშ” იარაღი უპოვეს ადამიანს, რომელიც ბოლო რამდენიმე თვის განმავლობაში შიდა პატიმრობაში, ხელისუფლების მკაცრი კონტროლის ქვეშ იმყოფებოდა.
საერთო ჯამში, გამოდის პრიმიტიული, მაგრამ ტარდიციული სქემა. არ არსებობს რუსეთის აგენტი უიარაღოდ! ერთ სისხლის სამართლის საქმეს მეორე დაემატა _ “ ცეცხლსასროლი იარაღის ნებადაურთველი შეძენა, შენახვა, ტარება, დამზადება, ტრანსპორტირება თუ გაგზავნა” (სამ წლამდე პატიმრობა).
აღსანიშნავია, რომ ვლადიმერ ვახანია ჯაშუშობის იდეალური კანდიადატია. ჯერ ერთი, იგი თავის დროზე რუსეთის პროკურატურაში მუშაობდა. მეორე, რუსეთის ფედერაციის ჟურნალისტების კავშირის წევრი იყო (სააკაშვილის მთავრობა კი მიიჩნევს, რომ რუსული პრესა არასწორად წერს სააკაშვილსა და მის საქმეებზე). მესამე, მოსკოვის ოლქის სამხედრო და სამართალდამცავთა პროფკავშირების თავმჯდომარე იყო (სადაც, სავარაუდოდ, სააკაშვილის შეიარაღებული გზით ჩამოგდება მზადდება). მეოთხე, ვახანიამ საჯაროდ განაცხადა, რომ “საქართველოს ნატოსკენ სწრაფვა რესპუბლიკის ტერიტორიულ მთლიანობას ემუქრება”. და ბოლოს, მეხუთე, სწავლობდა ლგუ-ში დაახლოებით ვლადიმერ პუტინის იქ სწავლის პერიოდში. თუმცა, როდესაც სააკაშვილი ვახანიას მოქალაქეობას ანიჭებადა, რატომღაც ამ ფაქტებს ყურადღაბა არ მიაქციეს. ალბათ, პირველ რიგში იმიტომ, რომ სამხრეთ ოსეთის ტრაგიკულ მოვლენებამდე სააკაშვილის რეჟიმი საკმაოდ მყარი იყო და ქვეყანაში შექმნილი სიტუაციიდან ალქაჯებზე ნადირობაზე ხალხის ყურადღების გადატანის დიდი აუცილებლობა არ გახლდათ.
მთავარი კი მაინც ის არის, რომ ვახანიამ ოპზიციური პარტია “მთლიანი საქართველო” შექმნა. აღსანიშნავია, რომ პარტიის პირველი ყრილობა 11 მარტს გაიმართა და ამავე დღეს ვახანიას წინააღმდეგ სისხლის სამართლის საქმე აღიძრა. ოთხი დღის შემდეგ კი იგი ციხეში ჩასვეს. ასეთია “სააკაშვილის დემოკრატია”.
“ვახანიას საქმესთან” დაკავშირებით თვითონ პროფესორი და მისი ახლობლები დახმარებისთვის სხვადასხვა ინსტანციას მიმართავდნენ, როგორც რუსულს, ასევე საერთაშორისოს. მათ შორის რუსეთის პრეზიდენტ დიმიტრი მედვედევს, რიგი სხვა სახელმწიფოების ლიდერებს, ადამიანის უფლებათა დამცვაში უფლებამოსილ ვლადიმერ ლუკინს, ევროკომისიის თავმჯდომარე ჟოზე მანუელ ბაროზს, ასევე სხვადასხვა საზოგადოებრივ ორგანიზაციებს.
ჯერჯერობით ამ მიმართვებზე არავის ქონია რეაქცია.


ქართველებმა მიხეილ სააკაშვილის შემცვლელი მონახეს

გაზეთი კომერსანტი: N85(4140)
ავტორი: ოლგა ალლენოვა
თარგმანი: ნინო ბეგლარაშვილი
სტილი დაცულია

http://www.kommersant.ru/doc.aspx?DocsID=1169419

სოჭში გუშინ (სტატია გამოქვეყნებულია 15 მაისს-მთარგმნელის შენიშვნა) ქართველთა საერთაშორისო კონფერენცია ჩატარდა. მასზე მიღებულ რეზოლუციაში საქართველოს ხელისუფლებისადმი მოთხოვნები განისაზღვერა, რომელთა შესრულებაც ქვეყნის კრიზისიდან გამოსაყვანად აუციელებელია. თუმცა, ყველაზე მნიშნელოვანი ისაა, რომ კონფერენციაზე საქართველოს საპრეზიდენტო სკამის მოპოვებისათვის ბრძოლაში კრემლის ახალი ფავორიტი დასახელდა.
კონფერენციის ორგანიზატორი ბიზნესმენი გოჩა ზასოხოვია, რომელიც გასული წლის აგვისტოში წამოვიდა საქართველოდან და რუსეთში თბილისის ოპოზიციური ქართველ ხალხთა ასამბლეა შექმნა. მან პირობა დადო, რომ “ღონისძიებებზე ბევრს ისაუბრებენ”. რას გულისხმობდა ის, ნათელი მხოლოდ კონფერენციის დასასრულს გახდა, როდესაც სიტყვა პეტერბურგელ ბიზნესმენს, ალექსანდრე ებრალიძეს გადასცეს. კულუარებში მასზე საუბრობენ, რომ “ის პუტინის გუნდიდანაა” და რომ ცნობილია, როგორც შერემეტევსკის სასახლის მყიდველი და მისი რეკონსტრუქციის გამკეთებელი.
ებრალიძემ შეთავაზება გააკეთა “შექმნან პლატფორმა საქართველოს პრეზიდენტის კანდიდატურის წამოსაყენებლად” და ასევე პარტიაც, რომელიც რუსეთში მცხოვრები ქართველების ინტერესებს გამოხატავს და საქართველოში არჩევნებში მიიღებს მონაწილეობას. შემდეგ ბიზენსმენმა საქართველოს პოლიტიკური კრიზისიდან გამოყვანასთან დაკავშირეშით საკუთარი ხედვა ჩამოაყალიბა. მისი აზრით, ქვეყანა უნდა გახდეს ნეიტრალური, არ უნდა გაერთიანდეს არცერთ ბლოკში, მისმა ხელისუფლებამ კი უნდა მოაგვაროს ურთიერთობა რუსეთთან და “აღადგინოს კეთილმეზობლური კავშირი აფხაზეთთან და სამხრეთ ოსეთთან”. ეს ღონისძიებები და ასევე “საქართველოს "მართვის ახალი სახელმწიფო მოდელის” შექმნა ბიზნესმენის აზრით, ქვეყანას ტერიტორიული მთლიანობის შენარჩუნებასა და ეკონომიკურ განვითარებამდე მიიყვანს.
საინტერესოა, რომ მიხეილი სააკაშვილს თავისი მმართველობის დასაწყისში დაახლოებით ასეთივე წინადადებას სთვაზაობდა მოსკოვი. შეიძლება, ეს გეგმა შემთხვევით არ გახდა აქტუალური სწორედ ახლა-საქართველოში არსებული პოლიტიკური კრიზისს ფონზე.
ბიზნესმენი ებრალიძე კიდევ წინ წავიდა და განახცადა რომ მზადაა საქართველოში პრეზიდენტობაზე კენჭი იყაროს. “მე 20 წელი ველოდებოდი - თქვა მან - ახლა კი თავმდბალობაზე უარს ვამბობ.”
ბიზნესმენმა თავისი საუბარი “უმაღლესი მთავარსარდლის, იოსებ ბესარიონის ძე სტალინის” სიტყვებით დააასრულა: “ჩვენი საქმე სამართლიანია, ჩვენ გავიმარჯვებთ!”
კონფერენციაზე მიიღეს რეზოლუცია, რომელსაც შესაძლოა საქართველოს ხელისუფლებისადმი ულტიმატუმიც ეწოდოს. “საქართველო უნდა გახდეს ნეიტრალური, არცერთ ბლოკში არ უნდა გაერთიანდეს, ურთიერთობები უნდა განავითაროს მეზობლებთან და მსოფლიოს ყველა ქვეყანასთან - წერია რეზოლუციაში - ჩვენი სამშობლოს ტერიტორიიდან არ უნდა მოდიოდეს სამხედრო მუქარა არავის მიმართ, საქართველომ თავის მხრივ უნდა მიიღოს საერთაშორისო გარანტიები მის საშიანაო საქმიანობებში ჩაურევლობასთან დაკავშირებით. უმთავრესი პრიორიტეტი კი უნდა გახდეს, კეთილმეზობლური ურთიერთობების აღდგენა რუსეთის ფედერაციასთან”. რეზოლუცია ასევე აფიქსირებს “აფხაზეთისა და სამხრეთ ოსეთის მცხოვრებთათვის მიმზიდველი პირობების შექმნას, კანონების უპირობო შესრულებას რესტუტიციის შესახებ, საქართველოს ტერიტორიაზე თავისუფლად გადაადგილების გარანტირებულ უფლებას, ყველა სასაზღვრო, საბაჟო და სხვა სახის ბარიერის მოხსნასა და ორმხრივ საფუძველზე კონფლიქტების ზონების დემილიტარიზაციის” აუცილებლობას.
“ეს კარგი გეგმაა, თუმცა ჯერ არ არის ნათელი, როგორ იქნება ის რეალიზებული" - განაცხადა ჩვენთან საუბარში მედიაჰოლდინგ “ჯორჯიან თაიმსის” მფლობელმა და რუსულ-ქართული ურთიერთბების აღდგენის საზოგადოებრივი კომისიის თანათავმჯდომარემ, მალხაზ გულაშვილმა.
"- სახალხო დიპლომატიას აქვს დიდი შესაძლებლობა, განსაკუთრებით ახლა, როცა ქრთული ხელისუფლება თავის წონას კარგავს საზოგადოებაში. მხოლოდ უმსხვილესი სახელმწიფოების გარანტიებით დამტკიცებული საქართველოს ნეიტრალიტეტი – ეს არის რუსეთთან ურთიერთობის აღდგენისა და საქართველოს კრიზისიდან გამოყვანის გასაღები. კითხვაზე, ბატონი ებრლიძის შანსებზე, გახდეს საქართველოს პრეზიდენტი, ბატონმა გულაშვილმა უპასუხა: “ებრალიძის გეგმებს ერთი სერიოზული წინააღმდეგობა აქვს - ის არ არის საქართველოს მოქალაქე. კონსტიტუციის მიხედვით მოქალაქეობის მიცემა მხოლოდ პრეზიდენტს შეუძლია, სააკაშვილი კი მას მოქალაქეობას არასოდეს არ მისცემს.”
ებრალიძემ, რომელსც საკმაოდ გაუჭირდა დაცვის წრიდან თავის დაღწევა, განაცხადა, რომ “მხოლოდ ახლა დაიწყო ბრძოლა პრეზიდენტობისათვის”.
- მაგრამ სააკაშვილი არ მოგცემთ თქენ მოქალაქეობას.
- მასე რატომ ფიქრობთ? მე მგონია, რომ მომცემს.
კითხვას, რუსეთის პრემიერ-მინისტრთან სიახლოვის შესახებ, ბიზნესმენმა ფრთხილად უპასუხა: “ძალიანაც კარგი იქნებოდა, რომ მე მას პირადად ვიცნობდე, მაგრამს ეს ასე არ არის”.



ავტორი: გალინა შაკიროვა
თარგმანი: ვიქტორია ბუკია
სტილი დაცულია
წყარო: http://www.gazeta.ru/business/2008/08/11/2808097.shtml


სომხეთმა განაცხადა, რომ 7 აგვისტოდან შეკვეცილი რაოდენობით იღებს რუსულ გაზს, რომელიც მას საქართველოს ტერიტორიის გავლით მიეწოდება. ექსპერტები მიიჩნევენ, რომ მიწოდების შემცირება დაკავშირებულია სამხრეთ ოსეთის კონფლიქტთან.
რუსულ-სომხურმა კომპანია “არმროსგაზპრომმა” გაავრცელა ინფორმაცია, რომ საქართველოს გაზისა და ნავთობის კორპორაციამ გაფრთხილების გარეშე 30%-ით შეამცირა სომხეთში მასაწოდებელი გაზის რაოდენობა. “გაზპრომის” პრესსამსახურმა გაზეტა.რუ-ს შეატყობინა: “ამჟამად რუსეთ-საქართველოს საზღვრამდე, სომხეთისთვის გამნკუთვნილი გაზი, სრულად მიეწოდება”.
თუმცა, სააგენტო “არმინფოს” ცნობით, სომხეთისთვის განკუთვნილი გაზის ნაწილს საქართველო ითვისებს. ქართული მხარე კი გაზის ტრანზიტის შემცირებას მაგისტრალურ გაზგამტარზე საცდელი სამუშაოების ჩატარებით ხსნის. საქართველოს გაზისა და ნავთობის კორპორაციის სპეციალისტების თქმით, კი ეს სისტემაში გაზის წნევის მომატებას ითხოვს.
ქართული და სომხური კომპანიები ამ სიტუაციასთან დაკავშირებით დაწვრილებით კომენტარს არ აკეთებენ. ასევე უცნობია, მიმდინარეობს თუ არა მოლაპარაკება საქართველოს გაზისა და ნავთობის კორპორაციასა და “არნგაზპრომს” შორის გაზის მიწოდების განახლებასთან დაკავშირებით.
ექსპერტებს ჯეჯერობით უჭირთ ამ მოვლენის კომენტირება, რადგან თვით კომპანიებს არ მოუწოდებიათ საკმარისი ინფორმაცია. მაგრამ პოლიტოლოგები მიიჩნევენ, რომ “გაზის დაკარგვა” გამწვავებულ კონფლიქტთან არის დაკავშირებული.
“გაზპრომისთვის” სომხეთის მიმართულება არ არის სტრატეგიულად მნიშვნელოვანი, ის პერიფერიულია, _ განმარტავს პოლიტიკური ტექნოლოგიების ცენტრის გენერალური დირექტორის მოადგილე ალექსეი მაკარკინი _ აი, სომხეთის ეკონომიკა კი რუსული გაზზეა დამოკიდებული. შექმნილმა ვითარებამ კი, შესაძლოა, სომხეთსა და საქართველოს შორის უთანხმოება გაამწვავოს.”
“სომხეთისთვის ახლოა აუღიარებელი რესპუბლიკების პრობლემა, საკმარისია გავიხსენოთ მთიანი ყარაბაღი”- აღნიშნავს ანალიტიკოსი.
“ჯერჯერობით სომხები ნეიტრალიტეტს ინარჩუნებენ, რადგან ხვდებიან, რომ ქართული მხარის ეს ჟესტი პოლიტიკური მომენტებითაა განპირობებული, მაგრამ გაზის ნაწილი თუ ისევ გააგრძელებს საქრთველოს ტერიტორიაზე “გაქრობას”, შესაძლოა, სომხები ღიად გამოვიდნენ ქართველების წინააღმდეგ”_ მიიჩნევს მაკარკინი.
წელს, რუსული გაზის ჰოლდინგთან მოლაპარაკებით, სომხეთმა 2,1 მილიარდი კუბამეტრი გაზი უნდა მიიღოს.



ავტორი: ელენა რიკოვა
თარგმანი: ნინო ბეგლარაშვილი
სტილი დაცულია
წყარო: http://www.rb.ru/topstory/politics/2009/05/08/134435.html




7 მაისს ერთი წელი გავიდა მას შემდეგ, რაც დიმიტრი მედვედევმა პრეზიდენტის პოსტი დაიკავა. ასევე ერთი წელია, რაც 8 წლის მანძილზე ჩვენი ქვეყნის მმართველი ვლადიმერ პუტინი პრემიერ-მინისტრი გახდა. ამ ხნის მანძილზე ძალთა გადანაწილება არ შეცვლილა: მედვედევის ძველებურად არ სჯერათ, პუტინს კი პოტენციური ელექტორატის 30% უჭერს მხარს.
იურია ლევადას ანალიტიკური ცენტრი (“ლევადა-ცენტრი”) მედვედევის გაპრეზიდენტებიდან მოყოლებული, ყოველთვიურად რუსებს ერთი და იმავე კითხვებს უსვამს: “ვის ხელშია ახლა ქვეყანაში რეალური ძალაუფლება?” და “აგრძელებს თუ არა დიმიტრი მედვედევი ვლადიმერ პუტინის პოლიტიკას?”

მედვედევი ხალხის მხარდაჭერას კარგავს.

ერთი წლის განმავლობაში იმ ადამიანების რაოდენობა, რომლებსაც მიაჩნიათ, რომ ძალაუფლება დიმიტრი მედვედევის ხელშია, 16%-დან 12%-მდე შემცირდა. ამასთანავე, გამოკითხულთა 80% ფიქრობს, რომ ახლანდელი პრეზიდენტი თავისი წინამორბედის პოლიტიკას აგრძელებს.
“ლევადა-ცენტრმა” ბოლო კვლევა 2009 წლის 24-27 აპრილს ჩაატარა. ქვეყნის 46 რეგიონის 128 დასახლებული პუნქტიდან სულ 1 600 რუსი გამოკითხეს. როგორც აღმოჩნდა, ინაუგურაციის დროს დიმიტრი მედვედევის უფრო მეტ ადამიანს სჯეროდა, ვიდრე ახლა, მისი “მმართველობიდან” ერთი წლის შემდეგ. პრეზიდენტის თაყვანისმცემელთა რაოდენობა 4%-ით შემცირდა.

”სანახევრო ძალაუფლება” უცხოელ ინვესტორებს არ იზიდავს

რუსების აბსოლუტური უმრავლესობა მიიჩნევს, რომ ძალაუფლება თანაბარი ხარისხით ორივეს მედვედევსაც და პუტინსაც სანახევროდ აქვს - ასე უპასუხა რესპოდენტთა 48%-მა. 30%-ი ძველებურად ფიქრობს, რომ ძალაუფლება მთლიანად პრემიერ-მინისტრის ხელშია. რესპოდენტთა 10%-ს კი ამ კითხვაზე პასუხის გაცემა გაუჭირდა.
ძალაუფლების ასეთი “განლაგება” უარყოფით გავლენას ახდენს რუსეთის იმიჯზე. როგორც “როიტერი” წერს, ასეთ არაერთმნიშვნელოვან სიტუაციაში ნებისმიერი დავა ორ ლიდერს შორის, პოლიტიკური კრიზისის პროვოცირებას ახდენს. ეს უცხოელ ინვესტორს ოპტიმიზმს არ მატებს და რუსეთიდან მხოლოდ კაპიტალის გადინებას აძლიერებს
ასე რომ, უცხოელი ინვესტორების იმედები ახალ პრეზიდენტზე არ გამართლდა: ერთი წლის შემდეგ, ძველებურად გაუგებარია, ვინ მართავს ქვეყანას და როგორია პრეზიდენტის ძირითადი პოლიტიკური მიმართულება.

მედვედევის “სრულიად ახალი პოლიტიკის” რუსების 2%-ს სჯერა.

“ლევადა ცენტრის” მიერ გამოკითხული ადამიანების უმრავლესობა (80%) მიიჩნევს, რომ დიმიტრი მედვედევი წინამორბედის პოლიტიკას მისდევს. გამოკითხულთა 26%-ს სჯერა, რომ პრეზიდენტი პუტინის პოლიტიკას ზედმიწევნით ზუსტად აგრძელებს, 56%-ი კი მიიჩნევს, რომ მედვედევი “ძირითადად განაგრძობს წინამორბედის პოლიტიკას”. შედარებისათვის - ერთი წლის წინ ეს მაჩვენებელი 40% და 41% იყო. საერთო რეზულტატი ( 81% - 2008 წელს, 80% - 2009 წელს) თითქმის არ შეცვლილა.
გამოკითხულთა შორის მხოლოდ აბსოლუტური უმცირესობა (რესპონდენტთა 2%) ფიქრობს, რომ დიმიტრი მედვედევი “სრულიად ახალ პოლიტიკას” ახორციელებს. 7%-ს კი ამ კითხვაზე პასუხის გაცემა გაუჭირდა.



ავტორი: ანჟელა კუჭუბერია
თარგმანი: ვიქტორია ბუკია
სტილი დაცულია

წყარო: http://abkhasia.kavkaz-uzel.ru/articles/154136

"აფხაზეთმა აღიარება მოიპოვა, მაგრამ ქვეყნის განვითარება შეჩერდა"-ასე მიიჩნევს რესპუბლიკის ახლანდელი ხელისუფლების მიმართ ოპოზიციური, აფხაზეთის ეკონომიკური განვითარების პარტიის (პარტია “ერა”) ლიდერი, ბიზნესმენი ბესლან ბუთბა.
“დღეს აფხაზეთი გზის გასაყარზე დგას, ჩვენ ომში გავიმარჯვეთ და მოვიპოვეთ დამოუკიდებლობა, მაგრამ ქვეყნის განვითარება შეჩერდა. უკვე რამდენიმე წელია, რაც ერთ ადგილს ვტკეპნით”. _ განაცხადა 13 მაისს სოხუმში ბესლან ბუთბამ. მისი აზრით, დღეს ქვეყნის ხელისუფლებას არ აქვს სახელმწიფოს განვითარების სტრატეგია. რაც მთავარია, არ არის პოლიტიკური ნება იმისთვის, რომ აფხაზმა ხალხმა გააგრძელოს ასეთი სტრატეგია.
ამიტომ, ბუთბას თქმით, პარტია “ერა” რესპუბლიკაში ნაციონალურ პროექტებს უშვებს, რომელთაც “უნდა შეადგინონ განვითარების სტრატეგიის საფუძველი, დაადგინონ ის მიმართულება, რომლითაც აფხაზეთი გადადგამს ნაბიჯს მომავლისკენ”.
პარტიის წარმომადგენლის მიერ პროექტები დამუშავებულია “იმ პრობლემების დაჩქარებული გადაწყვეტისთვის, რომლებიც ქვეყნის წინაშე დგას”. “მცირე ბიზნესი _ დიდი შემოსავალი”; “ჯანმრთელი ერი _ ძლიერი აფხაზეთი”; “მდიდარი სოფელი _ მყარი განვითარება”; “ნაციონალური კულტურა _ ერის სული”; “ახალი სკოლიდან _ თანამედროვე უნივერსიტეტში”, _ ასე ეწოდება ახალ პროექტებს ხუთ ძირითად მიმართულებაში.
“დღეს ჩვენ გვაქვს არჩევანი: ან ერთი ადგილის ტკეპნა გავაგრძელოთ, ან გადავდგათ გაბედული ნაბიჯი წინ რეალური დამოუკიდებლობის განვითარებისა და აყვავებისკენ” _ განაცხადა აფხაზეთის ეკონომიკური განვითარების პარტიის ხელმძღვანელმა.
“ჩვენ შეგვიძლია და ვალდებულებიც კი ვართ დავისახოთ გრძელვადიანი მიზნები _ არა თვეებით, არამედ წლებით წინ, _ მიიჩნევს ბუთბა. _ ჩვენი მიღწევები მომავლის ღირსეული ფუნდამენტი უნდა გახდეს, მომავლისა, რომელის შენებაც დღეს უნდა დავიწყოთ”.
აღსანიშნაივია, რომ დეკემბერში აფხაზეთის რესპუბლიკის პრეზიდენტის არჩევნები ჩატარდება და გამორიცხული არ არის, ბესლან ბუთბამ პრეზიდენტის პოსტზე საკუთარ კანდიდატურა წარადგინოს. თუმცა, ჯერჯერობით, ოფიციალური განცხადება ხელახალ კენჭის ყრაზე მხოლოდ ამჟამინდელმა პრეზიდენტმა, სერგეი ბაღაბშმა გააკეთა.
შეგახსენებთ, მიმდინარე წლის აპრილში სოხუმში საერთაშორისო კონფერენცია ჩატარდა სახელწოდებით “დამოუკიდებელი აფხაზეთი: ეკონომიკური სტრატეგიის ძიება”, რომლის მონაწილეებმა დაასკვნეს, რომ აფხაზეთში შექმნილია რესპუბლიკის საერთაშორისო სუბიექტად ქცევისთვის საჭირო პირობები.
კონფერენციის მონაწილეთა დასკვნით გაცხადებაში ნათქვამია, რომ აფხაზეთში სახელმწიფო მართვის სისტემა ფორმულირებულია და ეფექტურობასაც იჩენს, შეწყობილად ფუნქციონირებენ აღმასრულებელი, საკანონმდებლო და სასამართლო-სახელისუფლებო შტოები, ვითარდება სამოქალაქო საზოგადოების ინსტიტუტები. რესპუბლიკის მთელ ტერიტორიაზე მოქმედებენ სამართალდამცავი ორგანოები, უზრუნველყოფილია საზღვრების დაცვა და მყარდება ეკონომიკური კავშირები საზღვარგარეთის ქვეყნებთან.
თუმცა, რესპუბლიკაში არაერთხელ თქმულა საზოგადოების პოლიტიკური კულტურის არც თუ ისე მაღალ დონეზე. “ახლანდელი გადაწყვეტილებების მიღების სტილი ვერ შეუწყობს ხელს საზოგადოების ეფექტურ განვითარებას” _ განაცხადა დამოუკიდებელი ექსპერტიზის ფონდის ხელმძღვანელმა ლეონ აჯინჯალმა 23 იანვარს, “პოლიტიკური კონსულტაციების” დროს, რომლებიც ეხებოდა პოლიტიკური ბრძოლის წესების შესახებ ხელშეკრულების დადებას წინასაარჩევნო კამპანიის მსვლელობისას.
აფხაზეთის ეკონომიკური განვითარების პარტია 2007 წლის სექტემბერში შეიქმნა. მაშინ, სოხუმის სხდომაზე განაცხადეს, რომ ეს პარტია არ არის ოპოზიციური. სხდომის დასრულებისას, პარტიის ხელმძღვანელმა ჟურნალისტებთან ინტერვიუში აღნიშნა, რომ მას “ჯერ არ აქვს რაიმე გამოკვეთილი დევიზი”.
“ჩვენ ვიმუშავებთ აფხაზეთის ეკონომიკური განვითარების პროგრამებზე, და გვსურს, რომ ეს პარტია ეროვნული გახდეს”, _ აღნიშნა ბუთბამ 2007 წლის 26 სექტემბერს. მისი სიტყვებით, “იმედები ახალგაზრდებზე მყარდება, მაგრამ პარტია “ერა” დაეყრდნობა, ხალხს, რომელიც კონკრეტული საქმიანობითაა დაკავებული.”
დღეს პარტია "ერა” “აფხაზეთის ეროვნული ერთიანობის ფორუმთან” ერთად ოპოზიციაშია.